Ռուսաստանի Պետդումայի պատգամավորները միաձայն կողմ քվեարկեցին Ուկրաինայի արևելքում ինքնահռչակ հանրապետությունների հետ բարեկամության և համագործակցության պայմանագրերի վավերացմանը, որոնց ճանաչման մասին նախօրեին հայտարարել էր նախագահ Վլադիմիր Պուտինը։

Ռուսաստանյան օրենսդիր մարմնի անդամները վավերացման մասին օրենքի ընդունումը ողջունեցին բուռն ծափահարությունների ուղեկցությամբ։

Այսպիսով, փաստաթղթերը պետք է ուժի մեջ մտնեն հրապարակման օրվանից, այսինքն՝ փետրվարի 22-ին։

Աղբյուր՝ azatutyun.am