ԱՄՆ Պետդեպարտամենտը հայտարարել է, որ երկիրը Ուկրաինային աջակցության նպատակով 2022 թվականին, նախորդ տարվա համեմատ գրեթե կիսով չափ ավելացրել է զենքի վաճառքն արտերկիր:
«2022 ֆինանսական տարում արտասահմանում վաճառված սպառազինության ընդհանուր ծավալը կազմել է 51,9 միլիարդ դոլար, ինչը 49,1 տոկոսով ավել է 2021 ֆինանսական տարվա 34,8 միլիարդ դոլարի համեմատ»,-ասվում է Պետդեպարտամենտի հայտարարության մեջ:
Միաժամանակ, ինչպես նշում են ամերիկյան ԱԳՆ-ում, հաստատված պայմանագրերի արժեքն աճել է «Ուկրաինայի աջակցող ջանքերի ուժեղացման» որոշումների շնորհիվ։
Ըստ Պետդեպարտամենտի, վերջին ամիսների հիմնական համաձայնագրերի ցանկը ներառում է 116 Abrams տանկի վաճառք Լեհաստանին 3,75 միլիարդ դոլարով, Ֆինլանդիային Stinger հրթիռների պայմանագրերով, Լիտվան՝ HIMARS բազմակի հրթիռային համակարգերի գնմամբ։ Ուկրաինան այդ ցուցակում է հայտնվել 165 մլն դոլարով ոչ ստանդարտ զինամթերքի վաճառքի պայմանագրով։
