ԱՄՆ նախագահ Ջո Բայդենը Ղազախստանի նախագահ Կասիմ-Ժոմարտ Տոկաևին ուղղված՝ ազգային տոնի՝ Հանրապետության օրվա կապակցությամբ իր շնորհավորական ուղերձում նշել է երկու պետությունների միջև գործընկերության ռազմավարական բնույթը։

Ղազախստանի նախագահի մամուլի ծառայության հաղորդմամբ՝ Բայդենը, շնորհավորելով Տոկաևին և Ղազախստանի ժողովրդին, ընդգծել է հանրապետության առաջատարությունը Կենտրոնական Ասիայում երեք տասնամյակ շարունակ խաղաղության, կայունության և բարգավաճման ապահովման գործում։ 

«Անվտանգության, էներգետիկայի և տնտեսական հարցերում մեր լայնածավալ երկկողմ համագործակցությունը, ինչպես նաև Ղազախստանում ընթացող բարեփոխումներին մեր վճռորոշ աջակցությունը արտացոլում են մեր հարաբերությունների ապագայում ներդրումների և պոտենցիալի փոխադարձ ցանկությունը՝ հասնելու համար ընդհանուր նպատակներին: Այդ տեսլականը լիովին համապատասխանում է մեր ընդլայնված ռազմավարական գործընկերության ոգուն»,- նշել է Բայդենը ուղերձում։