Ռուսաստանի կողմից օկուպացված Խերսոնի մարզի Օլեշկի քաղաքի բնակիչներով երեք ինքնաթիռ, որոնք ցանկացել են տեղափոխվել Ուկրաինայի կողմից վերահսկվող տարածք, վայրէջք են կատարել Բելառուսի Գոմել քաղաքի օդանավակայանում։ Այս մասին հայտնում է «ԲելՏԱ» պետական գործակալությունը։
Տարհանվածները ավտոբուսներով հասել են ռուսական Անապա, որից հետո մի քանի ժամ թռչել են Բելառուս։ Այժմ նրանց պետք է տեղափոխեն «Նովայա Գուտա» սահմանային անցակետ, որով նրանք կկարողանան անցնել Ուկրաինա։
Գոմելի օդանավակայանում մարդկանց դիմավորելու համար տեղադրվել է վրանային քաղաք՝ ջեռուցվող տարածքներով, տաք սննդով և բուժկետերով։ Այնտեղ աշխատում են փրկարարներ, բժիշկներ, հոգեբաններ և կամավորներ, գրում է պետական գործակալությունը։ Տարհանվածների թվում կան երեխաներ և սահմանափակ շարժունակություն ունեցող մարդիկ։ Դուրս բերվածների հստակ թիվը դեռևս անհայտ է։
Ավելի վաղ ԱՄՆ առաջին տիկին Մելանյա Թրամփը հայտնել էր, որ ավելի քան 750 մարդու տարհանման համար պատրաստվել է 25 ավտոբուս, շտապօգնության մեքենաներ և 50 բուժաշխատող։
