Հունգարիայի վարչապետ Պետեր Մադյարը հայտարարել է, որ նախաձեռնում է փոփոխություններ կատարել երկրի Սահմանադրության մեջ, որոնք կդադարեցնեն նախագահ Տամաշ Շույոկի լիազորությունները: Ինչպես հաղորդում է Telex պորտալը, այս մասին նա հայտարարել է խորհրդարանում իր ելույթի ժամանակ:
Փոփոխությունների ներկայացումից հետո կսկսվի սահմանադրական գործընթաց, որում կներգրավվի հունգարական հասարակությունը: Այնուհետև փոփոխությունները քվեարկության կդրվեն համապետական հանրաքվեում: Թարմացված Սահմանադրության հաստատումից հետո Ազգային ժողովը կընտրի պետության նոր ղեկավար։
Բացի այդ, Մադյարն ասել է, որ նախաձեռնում է խորհրդարանի պատգամավորի պաշտոնում գտնվելու ժամկետի սահմանափակում՝ առավելագույնը 12 տարի:
«Սահմանադրության 17-րդ փոփոխությամբ մենք առաջարկում ենք խորհրդարանի պատգամավորի պաշտոնավարման ժամկետը սահմանափակել 12 տարով: Տասներկու տարին լիովին բավարար է, որպեսզի մարդը ծառայի իր երկրին, ապացուցի իր պիտանիությունը և հետք թողնի իրենից հետո», - նշել է նա:
