Վրաստանի վարչապետ Իրակլի Կոբախիձեն հայտարարել է մինչև մայիսի վերջ Թբիլիսիի և Վաշինգտոնի միջև փոխգործակցության ակտիվացման պլանների մասին։ Այս մասին նա հայտնել է լրագրողներին։
Նրա խոսքով՝ մինչև մայիսի վերջ սպասվում են կոնկրետ արդյունքներ մի շարք ուղղություններով, իսկ կողմերի միջև հաղորդակցությունը զգալիորեն կխորանա։
«Մինչև մայիսի վերջ դուք կտեսնեք կոնկրետ արդյունքներ որոշակի ուղղություններով։ Հաղորդակցությունը կհաստատվի։ Ես չեմ կարող մանրամասնել, թե կոնկրետ ինչ և ինչպես է տեղի ունենալու, բայց դուք կտեսնեք, որ մինչև մայիսի վերջ վրացական և ամերիկյան կողմերի միջև շփումը կխորանա», — հայտարարել է նա։
