ԱՄՆ-ն Իրանի դեմ իրականացվող ռազմական գործողությունների վրա օրական ծախսում է մոտ 900 միլիոն դոլար։ Այս մասին հայտարարել է Ջոն Թունը՝ ԱՄՆ Սենատի մեծամասնության առաջնորդը։
«Սա նշանակալի ցուցանիշ է, բայց ես կարծում եմ, որ մենք լավ դիրքում ենք։ Մենք հասնում ենք մեր նպատակներին», – լրագրողներին ասել է նա։
Թունը հավելել է, որ խոսքը կարևոր առաքելության մասին է, որը պետք է իրականացվի, և հույս է հայտնել, որ այն շուտով կավարտվի։ Նրա մեկնաբանությունները հեռարձակվել են C‑SPAN հեռուստաալիքով։
Ավելի վաղ The Washington Post-ը, հղում անելով աղբյուրներին, գրել էր, որ ԱՄՆ պաշտպանության նախարարությունը՝ Pentagon-ը, գնահատում է՝ Իրանի վրա ԱՄՆ-ի սկզբնական հարվածների համար օգտագործվել է շուրջ 5,6 միլիարդ դոլարի զինամթերք։
