Ռումինիայի էներգետիկայի նախարարությունը արտակարգ դրություն է հայտարարել Ադրբեջանից աղտոտված նավթի
մատակարարումների պատճառով։ Այս մասին ասվում է գերատեսչության պաշտոնական հայտարարության մեջ։
Նշվում է, որ խոսքը 92 հազար տոննա հում նավթի
մասին է, որը մատակարարվել է
հուլիսի 16-18-ը։ Պարզվել է՝ հումքը աղտոտված է եղել օրգանական քլորիդներով դեռևս թուրքական Ջեյհան
նավահանգստում բեռնման ժամանակ։
Նախարարությանը խնդրի մասին
տեղեկացրել է OMV Petrom ընկերությանը, որից
հետո անցկացվել է լաբորատոր վերլուծություն։
Հայտնաբերված խախտումների պատճառով
Ռումինիան հրաժարվել է նմանատիպ ծավալի հաջորդ մատակարարումից։ Այսպիսով, ընդհանուր առմամբ 184 հազար տոննա նավթ դարձել
է անհասանելի Petrobrazi նավթավերամշակման գործարանում վերամշակման համար։
