Հուլիսի 31-ի գիշերը Ուկրաինան գրոհել են ավելի քան 300 դրոններ. հարվածի հիմնական թիրախը եղել է Կիևը։

Օգոստոսի 1-ը Կիևում հայտարարվել է սգո օր՝ ի հիշատակ ռուսական հարձակման զոհերի։

Գիշերվա ընթացքում փրկարարները Կիևի Սվյատոշինսկի շրջանում բազմահարկ շենքի փլատակների տակից դուրս են բերել ևս տասը զոհերի մարմիններ, հայտնում է Ուկրաինայի արտակարգ իրավիճակների պետական ծառայությունը։

Հուլիսի 31-ի գիշերը քաղաքի վրա ռուսական հարձակման հետևանքով զոհվածների ընդհանուր թիվը հասել է 28-ի, նրանց թվում են երեք երեխաներ։ Եվս 159 մարդ տուժել է, այդ թվում՝ 16 երեխա։

24 ժամվա ընթացքում տարածքից հեռացվել է ավելի քան երկու հազար տոննա բեկոր։ Ուկրաինայի ՆԳՆ տվյալներով՝ ուրբաթ առավոտյան փրկարարները կարգի են բերել ավերված շենքերի կառույցների 70%-ը։ Վթարա-փրկարարական աշխատանքները շարունակվում են։