Հուլիսի լույս 25-ի գիշերը Ռուսաստանի Դաշնության Ռոստովի մարզի մի շարք քաղաքներում պայթյուններ են լսվել։ Տեղի բնակիչները հայտնում են, որ տարածաշրջանը գրոհում են դրոնները, գրում են ռուսական Telegram-ալիքները։

Տագանրոգի, Շախտիի և Նովոչերկասկի բնակիչները պնդում են, որ տեսել են պայթյունների բռնկումներ երկնքում և լսել են թռչող անօդաչուների ձայներ:

Ստավրոպոլի երկրամասում հայտարարվել է անօդաչուների գրոհի վտանգ, իր Telegram-ալիքում հայտնել է նահանգապետ Վլադիմիր Վլադիմիրովը: Վորոնեժի մարզի նահանգապետ Ալեքսանդր Գուսևը նույնպես հայտնել է անօդաչուների գրոհի վտանգի մասին: Լիպեցկի մարզի նահանգապետ Իգոր Արտամոնովը հայտարարել է դրոնների գրոհի սպառնալիքի մասին Ելեցում և Ելեցի շրջանում, միաժամանակ ամբողջ տարածաշրջանի տարածքում հայտարարվել է օդային վտանգավորության ռեժիմ: Աստրախանի մարզի Ախտուբինսկի շրջանում նույնպես հայտարարվել է անօդաչուների գրոհի վտանգ:

ԱԹՍ-ների սպառնալիք է հայտարարվել Հյուսիսային Օսիայի տարածքում, իր Telegram ալիքում հայտնել է տարածաշրջանի ղեկավար Սերգեյ Մենյայլոն։ Նա նաև զգուշացրել է հանրապետությունում շարժական ինտերնետի աշխատանքի հնարավոր դանդաղման մասին։

Ռուսական լրատվամիջոցները նաև հայտնել են, որ Ղրիմի կամրջի վրա երթևեկությունը փակվել է ավտոտրանսպորտի համար։