Նիգերի զինված ուժերը համալրումներ են տեղափոխում մայրաքաղաք Նիամեյ՝ պատրաստվելու համար հնարավոր ինտերվենցիային այն բանից հետո, երբ տարածաշրջանային ԷԿՕՎԱՍ դաշինքի՝ իշխանությունը զիջելու պահանջով վերջնագրի ժամկետը լրանում է: Այս մասին գրում է CNN-ը՝ հղում անելով ռազմական աղբյուրին։
Մոտ 40 պիկապներից կազմված շարասյունը ժամանել է օգոստոսի 6-ի երեկոյան՝ երկրի այլ մասերից զինծառայողներով:
Վերջնագիրը ներկայացվել է հուլիսի 30-ին՝ մեկ շաբաթ ժամկետով, այն պարունակում էր երկրում սահմանադրական կարգը վերականգնելու և նախագահ Մոհամեդ Բազումին ազատ արձակելու պահանջներ՝ սպառնալով հակառակ դեպքում իրավիճակին ուժային միջամտություն ցուցաբերել։
Ինչպես նշում է CNN-ը, մեկ շաբաթ անց քաղաքական իրավիճակի փոփոխության նշաններ չեն նկատվել, նախագահի գտնվելու վայրն անհայտ է, իսկ խունտան դեռ ղեկավարում է՝ հայտարարելով նաև հնարավոր ներխուժման պատճառով օդային տարածքը փակելու մասին։
ԷԿՕՎԱՍ-ը Արևմտյան Աֆրիկայի 15 պետությունների տարածաշրջանային միություն է:
