Գերմանիայի Մյունխեն քաղաքում ավտոմեքենան մխրճվել է մարդկանց բազմության մեջ, հայտնում է Bild տաբլոիդը։
Ոստիկանությունից հաստատել են միջադեպի փաստը և հայտարարել, որ միջադեպի հետևանքով կան տուժածներ։ Bild-ի փոխանցմամբ՝ տուժել է 15 մարդ։ Ականատեսներից մեկը հայտնել է, որ մեքենան միտումնավոր է մխրճվել մարդկանց մեջ։ Այս տեղեկատվությունը չի հաստատվել:
Նախնական տեղեկություններով՝ մարդիկ, որոնց
մեջ մխրճվել է մեքենան, եղել են Verdi
արհմիութենական կազմակերպության ցույցի մասնակիցներ։ Ցույցին մասնակցում էին քաղաքապետարանի աշխատակիցները, որոնք պահանջում էին աշխատավարձի 8% բարձրացում և
լրացուցիչ հանգստյան օրեր: Թե կա՞ն
արդյոք տուժածների մեջ ցուցարարներ՝ հայտնի չէ:
