Բաշար Ասադի կինը՝ Ասման, ուզում է ամուսնալուծվել ու լքել Ռուսաստանը, գրում են թուրքական լրատվամիջոցները։

Թուրքական Habertürk պորտալի աղբյուրների տեղեկություններով՝ Ասմա Ասադը ամուսնալուծության հայց է ներկայացրել ռուսական դատարան՝ փորձելով օգտագործել իր բրիտանական քաղաքացիությունը Մեծ Բրիտանիա վերադառնալու համար, որտեղ նա ծնվել և մեծացել է, ինչպես նաև ունի քաղաքացիություն։

Սակայն նրա հայցը քննարկման փուլում է, և վերջնական որոշում առայժմ կայացված չէ։

Թուրքական լրատվամիջոցի փոխանցմամբ՝ Ասադին արգելված է լքել Մոսկվան։ ՌԴ նախագահի մամուլի քարտուղար Դմիտրի Պեսկովը, սակայն, հայտարարել է, որ Ասադի տեղաշարժի սահմանափակումների և կնոջ ամուսնալուծության պլանների մասին տեղեկությունները չեն համապատասխանում իրականությանը։