Սիրիայի Կենտրոնական բանկը 2018 թվականի մարտից մինչև 2019 թվականի սեպտեմբեր ինքնաթիռներով Ռուսաստան է տեղափոխել մեծ քանակությամբ դոլարի և եվրոյի թղթադրամների փաթեթներ: Այս մասին հայտնել է Financial Times-ը՝ հղում անելով ռուսական «Import Genius» մաքսային ագրեգատորի տեղեկատվությանը։

FT-ի տեղեկություններով՝ Ասադի ռեժիմը Մոսկվայի «Վնուկովո» օդանավակայան է տեղափոխել 100 և 500 դոլար անվանական արժեքով թղթադրամներ՝ գրեթե երկու տոննա կշռով։ Ընդհանուր առմամբ նշված ժամանակաընթացքում Սիրիայից Մոսկվա իրականացվել է 21 չվերթ, ինքնաթիռներով փոխադրվել է ավելի քան 250 մլն դոլար:

Թերթը ներկայացրել է երկու չվերթի տվյալներ՝ 2019 թվականի փետրվարին Սիրիայի Կենտրոնական բանկը մոտ 20 մլն եվրո է ուղարկել Մոսկվա, նույն տարվա մայիսին՝ 10 մլն դոլար։