Շաբաթ օրը՝ սեպտեմբերի 28-ին, պաշտոնապես
մեկնարկել է ծրագիրը՝ ուղղված Իրան մեկնող Հայաստանի քաղաքացիների համար մաքսային
ընթացակարգերի կրճատմանն ու միջսահմանային ճանապարհորդությունների արագացմանը։ Այս
մասին հայտնում է Tehran Times-ը:
Հայաստանի քաղաքացիներն այսուհետ կարող են
ստանալ Carnet de Passages կամ մաքսային տարանցման փաստաթուղթ իրենց տրանսպորտային
միջոցների համար, ինչը նրանց թույլ կտա նվազագույն ուշացումով մուտք գործել Իրան:
Ծրագիրն ուղղված է նաև միջնորդների,
ծախսերի և սահմանին սպասման ժամանակի կրճատմանը, ինչպես նաև միջազգային ավտոմոբիլային
ճամփորդությունների առաջխաղացմանը՝ նպատակ ունենալով զարգացնել Իրանի
զբոսաշրջության ոլորտը, ամրապնդել կապերը հարևան երկրների հետ և ավելի շատ
զբոսաշրջիկներ ներգրավել Հայաստանից ու այլ երկրներից:
