Վրաստանի Բոլնիսի
մունիցիպալիտետի Դիսվելի գյուղի ռազմաբազայի մոտ կործանվել է Սու-25 ռազմական
գրոհային ինքնաթիռը։
Օդաչուին չի հաջողվել կատապուլտով դուրս նետվել,
և նա զոհվել է։ «Ազատություն» ռադիոկայանի վրացական ծառայության տեղեկությունը
հաստատել է Բոլնիսի մունիցիպալիտետի քաղաքապետի ներկայացուցիչ Դմիտրի Մոդեբաձեն։
Ողբերգական դեպքը տեղի է ունեցել զորավարժության ժամանակ, որին ներգրավված է եղել ավիացիոն բաղադրիչը։
Պաշտպանության նախարարության տվյալներով՝ զոհվել
է Պաշտպանության ուժերի օդաչու
Կախաբեր Զուրաբաշվիլին։
«Դեպքի պատճառները պարզելու նպատակով ՊՆ համապատասխան ծառայությունները
մանրամասն հետաքննություն են անցկացնում։ Պաշտպանության նախարարությունը
ցավակցում է ողբերգական դեպքի կապակցությամբ և ցավակցում զոհված օդաչուի ընտանիքին և մերձավորներին»,- ասված է գերատեսչության
հայտարարության մեջ։
