Բելգրադում ընթացող ազատ ոճի ըմբշամարտի աշխարհի Մ-23 առաջնությունում այսօր Հայաստանից պայքարի մեջ մտան ևս երեք ըմբիշ:

Նրանցից անհաջող հանդես եկավ միայն 130 կգ քաշային Մարտին Սիմոնյանը, որը հենց մեկնարկային մարտում զիջեց ամերիկացի մրցակցին:

Իսկ ահա 61 կգ քաշային Արսեն Հարությունյանը և 74 կգ քաշային Հրայր Ալիխանյանը հաղթահարեցին նախնական փուլի երեք արգելքները և մտան կիսաեզրափակիչ:

Այստեղ նրանց սպասում են հերթական մրցակիցները` համապատասխանաբար ղազախստանցի Ասիլ Այտակինը և իրանցի Մահամադսադեղ Բիգլար Ֆիրուզպուրբանդպեին: