Մարսելի իշխանությունները մինչև հոկտեմբերի 19-ի տեղական ժամանակով ժամը 20:00-ն արգելել են զանգվածային հավաքներն ու ցույցերը։ Այս մասին հայտնում է Reuters գործակալությունը։
Համապատասխան կարգադրությունը հրապարակվել է այն բանից հետո, երբ անցած շաբաթավերջին քաղաքում տեղի են ունեցել բողոքի զանգվածային ցույցեր, անկարգություններ և թալանի դեպքեր։
Ավելի վաղ Agence France-Presse (AFP) գործակալությունը, հղում անելով Բուշ դյու Ռոն դեպարտամենտի ոստիկանության պրեֆեկտուրային, հայտնել էր, որ հոկտեմբերի 17-ին Մարսելում անկարգությունների ընթացքում թալանի դեպքերին մասնակցած անձանց թիվը հասել է 30 հազարի։
Հոկտեմբերի 17-ին Փարիզում և Ֆրանսիայի այլ քաղաքներում տեղի են ունեցել զանգվածային ցույցեր՝ ընդդեմ վառելիքի գների բարձրացման և բնակչության գնողունակության նվազման։ Կազմակերպիչների գնահատմամբ՝ ցույցերին մասնակցել է շուրջ 800 հազար մարդ, մինչդեռ Ֆրանսիայի ներքին գործերի նախարարության տվյալներով՝ մասնակիցների թիվը կազմել է 550 հազար։
Մի շարք քաղաքներում բողոքի ակցիաները վերածվել են անկարգությունների և ոստիկանության հետ բախումների։ Ֆրանսիայի ներքին գործերի նախարար Լորան Նունյեսը հայտնել է, որ ամբողջ երկրում ձերբակալվել է ավելի քան 2 հազար մարդ։ Նրա խոսքով՝ իշխանությունները շարունակելու են հետապնդել անկարգություններին և թալանի դեպքերին մասնակցած անձանց։
