Ադրբեջանն
ավարտել է Հայաստանի հետ խաղաղության համաձայնագրի նախապատրաստման աշխատանքների իր
մասը, իսկ երկու
երկրների միջև պետական սահմանի սահմանազատման գործընթացը շարունակվում է։ Այս
մասին լրագրողներին հայտնել է
Ադրբեջանի արտաքին գործերի նախարար Ջեյհուն Բայրամովը։
Նրա
խոսքով՝ Ադրբեջանի և Հայաստանի միջև պետական սահմանի սահմանազատման և սահմանագծման աշխատանքները շարունակվում են։ Այդ նպատակով ստեղծվել են համապատասխան երկկողմ հանձնաժողովներ։ Ադրբեջանի ԱԳ նախարարը նշել է, որ աշխատանքները տարվում են
մշտական հիմունքով և
արդեն տվել են առաջին դրական
արդյունքները։
Մասնավորապես, կողմերն ավարտել են պետական սահմանի մոտ 13 կիլոմետրի դելիմիտացիան։
Բայրամովը
հայտնել է, որ կողմերի միջև որոշակի պայմանավորվածություններ են ձեռք բերվել,
որոնց համաձայն՝ սահմանազատման գործընթացը կշարունակվի հյուսիսից հարավ։ Նա նաև
ընդգծել է, որ այս գործընթացի շրջանակներում լուծում կգտնվի անկլավային գյուղերի
հարցի շուրջ։
Ադրբեջանի արտգործնախարարը
հավելել է, որ ադրբեջանական կողմն արդեն ավարտել է բոլոր անհրաժեշտ ընթացակարգերը՝
կապված Հայաստանի հետ խաղաղության համաձայնագրի վերջնական նախապատրաստման հետ։
