Թուրքիայի ԱԳՆ ղեկավար Հաքան Ֆիդանը հայտարարել է, որ Իրանից հետո Իսրայելը կթիրախավորի Թուրքիան։

Ֆիդանը նշել է, որ Իսրայելը «չի կարող գոյություն ունենալ առանց թշնամու» և փնտրում է առճակատման նոր թիրախ։

Նրա խոսքով՝ Իսրայելում ձևավորվում է հռետորաբանություն, որի շրջանակներում փորձ են անում Թուրքիան ներկայացնել որպես նոր հակառակորդ։

Ինչպես հայտարարել է Ֆիդանը, նման հայտարարություններ անում է ոչ միայն վարչապետ Բենիամին Նեթանյահուն, այլև իսրայելական ընդդիմության մի շարք ներկայացուցիչներ։