Վրաստանը
ողջունում է Հայաստանի և Ադրբեջանի միջև խաղաղության գործընթացը և պատրաստ է
անհրաժեշտության դեպքում իր ներդրումն ունենալ։ Այս մասին հայտարարել է Վրաստանի
վարչապետ Իրակլի Կոբախիձեն Թբիլիսիում Ադրբեջանի նախագահ Իլհամ Ալիևի հետ
ճեպազրույցի ժամանակ։
«Վրաստանը
աջակցում է Հարավային Կովկասի երկրների միջև խաղաղ գոյակցությանը և կառուցողական
համագործակցությանը, ինչպես նաև դրան ուղղված նախաձեռնություններին։
Անհրաժեշտության դեպքում մենք պատրաստ ենք մեր դրական ներդրումն ունենալ այդ
հարաբերությունների զարգացման գործում»,- ասել է Կոբախիձեն։
Նա նշել
է Հարավային Կովկասի երկրների համագործակցության կարևորությունը տարածաշրջանի
համար։ Վրաստանի վարչապետը նաև ընդգծել է Միջին միջանցքի աճող դերը՝ համաշխարհային
իրավիճակի ֆոնին։
Այսօր՝
ապրիլի 6-ին, Ադրբեջանի նախագահ Իլհամ Ալիևը այցելել է Թբիլիսի, որի ընթացքում տետ
ա տետ հանդիպում է ունեցել Վրաստանի վարչապետ Իրակլի Կոբախիձեի հետ:
