Իրանի հրթիռային կայանքների մոտ կեսը և հազարավոր անօդաչու թռչող սարքեր շարունակում են գործել՝ չնայած ԱՄՆ-ի և Իսրայելի հարվածներին, հաղորդում է CNN-ը՝ հղում անելով ԱՄՆ հետախուզությանը մոտ կանգնած աղբյուրներին։
Հեռուստաալիքի տվյալներով՝ Իրանի հրթիռային ենթակառուցվածքների շուրջ 50%-ը դեռևս անվնաս է, իսկ ԱԹՍ-ների զգալի պաշարներ պահպանվում են՝ չնայած վերջին շաբաթների ընթացքում իրականացված հարվածներին։
Աղբյուրները նշում են, որ այդ զինանոցը շարունակում է լուրջ սպառնալիք ներկայացնել տարածաշրջանի համար։ Միևնույն ժամանակ, իրանական առափնյա պաշտպանության թևավոր հրթիռների մեծ մասը ևս չի վնասվել, ինչը հնարավորություն է տալիս Իրանին սպառնալ նավարկությանը Հորմուզի նեղուցում։
Ավելի վաղ ԱՄՆ նախկին նախագահ Դոնալդ Թրամփը հայտարարել էր, որ ամերիկա-իսրայելական հարվածների հետևանքով Իրանի ռազմական հնարավորությունները «զգալիորեն կրճատվել են»։
