Մեծ Բրիտանիան ողջունում է ԱՄՆ-ի և Իրանի միջև «արդյունավետ» բանակցությունների մասին լուրերը։ Ինչպես հայտնում է Sky News-ը, այս մասին հայտնել է Միացյալ Թագավորության վարչապետի մամուլի ծառայությունը։

«Արդյունավետ բանակցությունների մասին ցանկացած հաղորդագրություն կարելի է միայն ողջունել։ Մենք միշտ ասել ենք, որ հակամարտության շուտափույթ ավարտը բխում է համաշխարհային շահերից, իսկ Հորմուզի նեղուցը, մասնավորապես, պետք է կրկին բաց լինի նավագնացության համար», — ասված է մամուլի ծառայության հաղորդագրության մեջ։

Ավելի վաղ ԱՄՆ նախագահ Դոնալդ Թրամփը հայտնել էր, որ Վաշինգտոնը «շատ լավ» բանակցություններ է վարել Իրանի հետ Մերձավոր Արևելքում հակամարտության «լիակատար կարգավորման» շուրջ։ Իր հերթին Իրանը պնդում է, որ Թեհրանը Վաշինգտոնի հետ ուղիղ շփումներ չի ունեցել։