Իսրայելի պաշտպանության բանակը հաստատել է Կասպից ծովում Իրանի ռազմածովային ուժերի առանցքային ենթակառուցվածքներին հարվածներ հասցնելու փաստը։ Ինչպես հայտնում է բանակի մամուլի ծառայությանը, գործողությունն իրականացվել է նախօրեին։

Ըստ հետախուզական տվյալների՝ Իսրայելի ՌՕՈՒ կործանիչները թիրախավորել են իրանական նավահանգիստներն ու ռազմաբազաները, որտեղ գտնվել են տասնյակ ռազմական նավեր, այդ թվում՝ հրթիռային նավեր և պարեկային կատերներ։

ՑԱԽԱԼ-ի հաղորդագրության համաձայն՝ հարվածների արդյունքում խոցվել են.

• Օդային դիտարկման համակարգերով և հակասուզանավային հրթիռներով զինված նավեր։

• Վառելիք և զինամթերք տեղափոխող նավեր ու պարեկային կատերներ։

• Նավահանգստի հրամանատարական կետը, որտեղից Իրանը ղեկավարում էր իր ծովային գործողությունները Կասպից ծովում։

• Նավերի վերանորոգման և սպասարկման համար նախատեսված առանցքային օբյեկտները։