ՆԱՏՕ-ի անդամ երկրները քննարկում են Հորմուզի նեղուցի վերաբացման տարբերակները։ Այս մասին հայտարարել է ՆԱՏՕ-ի գլխավոր քարտուղար Մարկ Ռյուտեն՝ Նորվեգիա կատարած այցի ընթացքում պատասխանելով լրագրողների հարցերին։
«Մենք խորհրդակցություններ ենք անցկացնում։ ՆԱՏՕ-ի երկրները հավաքականորեն քննարկում են, թե ինչպես բացել Հորմուզի նեղուցը», — ասել է նա։
Դաշինքի ղեկավարը մանրամասներ չի հայտնել և չի հստակեցրել՝ արդյոք ՆԱՏՕ-ի երկրները նավեր կուղարկեն հակամարտության գոտի, թե ոչ։
