Իրանի պետական ​​հեռուստատեսությունը հրապարակել է «հրատապ նախազգուշացում» Սաուդյան Արաբիայի, Արաբական Միացյալ Էմիրությունների և Կատարի նավթային օբյեկտների վերաբերյալ։

Ուղերձում քաղաքացիներին և բնակիչներին, որոնք գտնվում են Սաուդյան Արաբիայի Սամրեֆ նավթավերամշակման գործարանի, ԱՄԷ-ի Ալ Հոսն գազի հանքավայրի, Սաուդյան Արաբիայի Ալ Ջուբայլ նավթաքիմիական համալիրի և Կատարի Մեսաիդ նավթաքիմիական համալիրի մոտակայքում, ասվում է.

«Այս օբյեկտները դարձել են ուղիղ ու լեգիտիմ թիրախներ և առաջիկա ժամերին հարվածներ կստանան։ Բոլոր քաղաքացիական անձանց, բնակիչներին և աշխատողներին առաջարկվում է անհապաղ լքել այդ տարածքները և տեղափոխվել անվտանգ հեռավորության վրա»։