Հունգարիայի վարչապետ Վիկտոր Օրբանը հայտարարել է, որ Ուկրաինան Եվրոպական միության երկրների համար լուծում չէ, այլ խնդիր։

Բրիտանական GB News հեռուստաալիքին տված հարցազրույցում Օրբանը նշել է, որ Եվրոպան պետք է կենտրոնանա սեփական խնդիրների վրա, ոչ թե Ուկրաինայի։ «Ուկրաինան լուծում չէ, Ուկրաինան խնդիր է։ Այն մեզ ավելի թույլ է դարձնում, այլ ոչ թե ուժեղ։ Եթե ցանկանում ենք ուժեղանալ, պետք է կենտրոնանանք մեզ վրա», – ասել է նա։

Վարչապետը նաև ընդգծել է, որ Եվրոպական երկրները պետք է առաջնահերթ ուշադրություն դարձնեն իրենց զինված ուժերի ամրապնդմանը։