Սերբիայի կառավարությունը արտահերթ նիստում որոշեց ժամանակավորապես արգելել նավթի և նավթամթերքի արտահանումը, տեղեկացնում է երկրի հանքերի և էներգետիկայի նախարարությունը։
Նախարարության տվյալներով՝ սահմանափակումը, որը վերաբերում է նաև դիզելային վառելիքին և 95 օկտանանոց բենզինին, ուժի մեջ կմնա մինչև մարտի 19-ը։
«Այս արգելքի էությունը ներքին շուկան պաշտպանելն է համաշխարհային շուկայում գլոբալ խափանումների պատճառով առաջացած պակասից և գների աճից», – մեջբերել է նախարարությունը նախարար Դուբրավկա Ջեդովիչ-Հանդանովիչի խոսքերը։
Սերբիայի նախագահ Ալեքսանդր Վուչիչի խոսքով, երկրի բենզինի և դիզելային վառելիքի պաշարները կբավականացնեն մոտ 90 օր, տեղեկացնում է սերբական Biz լրատվական կայքը։
Միաժամանակ, Հունգարիայի կառավարությունը որոշել է սահմանել վառելիքի առավելագույն ներքին գներ և արգելել նավթի, 95 օկտանային բենզինի և դիզելային վառելիքի արտահանումը՝ նավթի գների կտրուկ աճի պատճառով, հայտարարել է երկրի էկոնոմիկայի նախարար Մարտոն Նագի սոցիալական ցանցերում։
