Ռուսաստանն
Իրանին տեղեկություններ է տրամադրում Մերձավոր Արևելքում ամերիկյան ռազմական
թիրախների վերաբերյալ՝ հարվածներ հասցնելու համար, հաղորդում է The Washington
Post-ը՝ հղում անելով հետախուզական տվյալներին ծանոթ երեք պաշտոնյաների։
Աղբյուրներից
մեկի խոսքով՝ Ռուսաստանի կողմից տրամադրված տվյալները ներառում են ամերիկյան
նավերի և ինքնաթիռների մասին տեղեկատվություն։ Ռուսաստանի օգնության ծավալը այս
փուլում մինչև վերջ պարզ չէ, սակայն աղբյուրը երկու երկրների համագործակցությունն
այս ոլորտում բնութագրել է որպես «բավականին համապարփակ»։
The
Washington Post-ը նշում է, որ պատերազմի առաջին օրերին ստացած հարվածներից հետո
Իրանի՝ ինքնուրույն հետախուզական տվյալներ ստանալու կարողությունը նվազել է,
մինչդեռ Ռուսաստանն ունի համապատասխան հնարավորություններ՝ ներառյալ արբանյակային խմբավորումները։
