Մենք ոչ միայն հանել ենք Ադրբեջանի տարածքով դեպի Հայաստան բեռների տարանցման բոլոր սահմանափակումները, այլև ինքներս ենք սկսել նավթամթերքի արտահանումը Հայաստան։ Սա, ըստ էության, նշանակում է առևտրի և համագործակցության մեկնարկ։
Այս մասին հայտարարել է Ադրբեջանի նախագահ Իլհամ Ալիևը՝ ԱՄՆ փոխնախագահ Ջեյմս Դեյվիդ Վենսի հետ մամուլի համար արված համատեղ հայտարարության ժամանակ։
«Մեր տարածաշրջանում Թրամփ-Վենս վարչակազմի ջանքերի կարևորագույն արդյունքներից և առանցքային դրսևորումներից մեկը TRIPP նախագիծն է՝ «Թրամփի երթուղին հանուն միջազգային խաղաղության և բարօրության» (Trump Route for International Peace and Prosperity) նախագիծը», — ընդգծել է երկրի ղեկավարը։
