Ֆրանսիան և նրա դաշնակիցները սկսում են ORION 2026 զորավարժությունների ակտիվ փուլը, որոնցում ներգրավված կլինեն ավելի քան 12,000 զինծառայողներ։ Այս մասին հայտնում է Le Parisienպարբերականը։

Հրապարակման մեջ նշվում է, որ զինվորականների մեկ երրորդը ժամանել է Փարիզի դաշնակից այլ երկրներից։ Փետրվարի 8-ից ապրիլի 30-ն ընկած ժամանակահատվածում նրանք աստիճանաբար կտեղակայվեն Ֆրանսիայի տարածքում։

Զորավարժությունների շրջանակում կներգրավվեն նաև՝

• 140 ինքնաթիռ և ուղղաթիռ,

• Ավելի քան 1,200 անօդաչու թռչող սարք,

• 2,150 միավոր տեխնիկա, ներառյալ զրահափոխադրիչներ և տանկեր,

• «Շառլ դը Գոլ» ավիակիրը։

Ֆրանսիական կողմից ներգրավված են 12 նախարարություններ, քանի որ վարժանքները նախատեսում են տեղեկատվական անվտանգության ապահովում, հակազդեցություն էլեկտրամագնիսական սպառնալիքներին, ինչպես նաև արբանյակային հետախուզություն։