UFC-ի թեթև քաշային կարգի դասակարգման առաջատար Արման Ծառուկյանն այս օրերին գտնվում է Հայաստանում։

29-ամյա մարտիկը Instagram-ի Story-ներում կիսվել է Ջերմուկի տեսարժան վայրերից նկարահանված տեսանյութերով։ Ծառուկյանին ուղեկցել է ազատ ոճի ըմբշամարտի Եվրոպայի քառակի չեմպիոն Արսեն Հարությունյանը։

Հիշեցնենք, որ Արման Ծառուկյանը դեկտեմբերի 30-ին Երևանի Կարեն Դեմիրճյանի անվան մարզահամերգային համալիրում կայանալիք Hype Fighting Championship-ի մրցաշարում կմենամարտի UFC-ի միջին քաշային կարգի 14-րդ համար Շարա Բուլետի հետ։