Սոչիում ուժեղ անձրևների հետևանքով վնասվել է մոտ 30 տուն, սակայն մարդկանց կյանքին վտանգ չի սպառնում. այս մասին տելեգրամյան ալիքում գրել է Կրասնոդարի երկրամասի նահանգապետ Բենիամին Կոնդրատևը. հաղորդում է
ՌԻԱ Նովոստին:«Սև ծովի ափին փոթորկի նախազգուշացում կա: Այս պահին ամենաբարդ իրավիճակը Սոչիում է: Գետերը վարարել են ու ողողել բնակելի որոշ շենքեր: Մենք պետք է պատրաստ լինենք իրադարձությունների ցանկացած զարգացման», - գրել է նա:
Նշենք, որ նախօրեին Սոչիում ուժեղ քամու և անձրևաջրերի հետևանքով մեկ մարդ մահացել է, երկուսը՝ տուժել:
Խորոտա և Մացեստա գետերի մակարդակները հասել են կրիտիկական մակարդակի: Տեղի բնակիչներին խնդրել են պատրաստել փաստաթղթեր և առաջին անհրաժեշտության իրեր՝ արտակարգ տարհանման համար:
