Ուկրաինայի նախագահ Վլադիմիր Զելենսկին հուլիսի լույս 23-ի գիշերը արձակած տեսաուղերձում հայտարարել է, որ խորհրդակցություն
է անցկացրել Ազգային հակակոռուպցիոն բյուրոյի և Կոռուպցիայի դեմ պայքարի մասնագիտացված դատախազության ղեկավարների հետ։ Հանդիպումը տեղի է ունեցել այն օրենքի ընդունման ֆոնին, որի համաձայն՝ վերոնշյալ գերատեսչությունները կորցնում են իրենց անկախությունը և սկսում են ենթարկվել գլխավոր դատախազության գրասենյակին։
«Հակակոռուպցիոն
ենթակառուցվածքը կաշխատի, բայց առանց ռուսական ազդեցության՝ դրանից պետք է մաքրվի ամեն
ինչ։ Եվ պետք է ավելի շատ արդարադատություն լինի»,- իր ուղերձում հայտարարել է
Զելենսկին։
Նրա խոսքով՝ Ազգային հակակոռուպցիոն բյուրոն և Կոռուպցիայի
դեմ պայքարի մասնագիտացված դատախազությունը կաշխատեն, իսկ գլխավոր դատախազը ձգտում
է «իրապես ապահովել պատժի անխուսափելիությունը նրանց համար, ովքեր կգնան օրենքին
դեմ»։
