Կոնկլավը (կարդինալների հավաք) Հռոմի նոր պապ ընտրեց: Սիքստինյան կապելլայի ծխնելույզից սպիտակ ծուխ է դուրս գալիս։
Վատիկանի Սուրբ Պետրոս հրապարակում հավաքված հազարավոր ուխտավորների աչքերն արդեն երկրորդ օրն է՝ սևեռված էին Սիքստինյան կապելլայի ծխնելույզի ուղղությամբ։ «Վատիկան Նյուզն» ուղիղ եթերում ցույց է տալիս, թե ինչ է կատարվում այն պահին, երբ ծխնելույզից սպիտակ ծուխ է դուրս գալիս։
Մարդիկ ուրախ բացականչում են, շատերն արցունքն աչքերին ծափահարում են, ծնրադրում և աղոթում, գրկախառնվում և շնորհավորում մեկմեկու։
