Գերմանիան ողջունում է Հայաստանի և Ադրբեջանի միջև խաղաղության պայմանագրի
տեքստի վերաբերյալ բանակցությունների ավարտը, հայտարարել է Գերմանիայի արտաքին
գործերի նախարար Անալենա Բերբոկը։
Նրա խոսքով՝ ձեռք բերված առաջընթացը հակամարտության երկարաժամկետ կարգավորման հույս է տալիս։
«Ադրբեջանի և
Հայաստանի միջև խաղաղության պայմանագրի մասին լուրերը հուսադրող են։ Տասնամյակների
պատերազմից հետո կայուն խաղաղությունն իրականություն է դարձել: Սա կարևոր է ոչ
միայն տարածաշրջանի, այլև ամբողջ աշխարհի համար։ Կոչ եմ
անում երկու կողմերին ստորագրել համաձայնագիրը»,- գրել է Բերբոկը «X» սոցիալական ցանցում։
