Ուկրաինայի նախագահ Վլադիմիր Զելենսկին դաշնակիցներին կոչ է արել սկսել զինվորական
կոնտինգենտի նախապատրաստումը, որոնք կարող են փոխարինել ուկրաինական զորքերին մարտի դաշտում։
«Մեր ուղերձը բոլոր երկրներին. պատրաստեք բրիգադներ, նրանք կարող են լինել պահեստային և կարող են փոխարինել մեր տղաներին, որոնք հոգնել են, նրանք կարող են փոխարինել նրանց մարտի դաշտում»,- ասել է Զելենսկին ՆԱՏՕ-ի գլխավոր քարտուղար Մարկ Ռյուտեի հետ համատեղ ճեպազրույցում։
Առաջինը ՆԱՏՕ-ի զորքեր Ուկրաինա հնարավոր ուղարկելու մասին այս տարվա փետրվարին հայտարարեց Ֆրանսիայի նախագահ
Էմանուել Մակրոնը։ Այնուամենայնիվ, Կիևի դաշնակիցների մեծ մասը,
ներառյալ ԱՄՆ-ը և Գերմանիան, հրապարակայնորեն հրաժարվեցին այդ գաղափարից: ՆԱՏՕ-ի նախկին գլխավոր քարտուղար Յենս Ստոլտենբերգը
նույնպես բացառեց նման տարբերակը։ Միաժամանակ ՆԱՏՕ-ի ռազմական կոմիտեի
ղեկավար Ռոբ Բաուերն ընդգծել է, որ դաշինքի անդամ ցանկացած երկրի զորքեր Ուկրաինա
ուղարկելու հարցը պետք է քննարկվի ամբողջ դաշինքի կողմից։
