Բելգորոդի մարզի նահանգապետ Վյաչեսլավ Գլադկովը հայտարարել է, որ շրջանի բնակիչները, ովքեր պայմանագիր են կնքել բանակում ծառայելու կամ որոշել են մեկնել Ուկրաինա կռվելու որպես կամավորներ, կստանան միանվագ վճար՝ 3 մլն ռուբլի։

Տարածաշրջանային կառավարության նիստում Գլադկովն ասել է. «Այսօրվանից, այսինքն՝ 2024 թվականի հոկտեմբերի 7-ից մինչև 2024 թվականի դեկտեմբերի 31-ը մենք ձևավորում ենք վճարումների նոր մակարդակ նրանց համար, ովքեր պայմանագրեր են կնքում կամ Բելգորոդի մարզի տարածքից կամավորագրվում են։ Բոլոր աղբյուրներից՝ դաշնային բյուջեից, տարածաշրջանային բյուջեից, քաղաքային բյուջեից և արտաբյուջետային հիմնադրամներից վճարումը կկազմի 3 միլիոն ռուբլի»: