ՌԴ նախագահ Վլադիմիր Պուտինը հրամանագիր է ստորագրել ՌԴ զինված ուժերի հաստիքային թվաքանակը սահմանելու մասին։ Փաստաթուղթը հրապարակվել է իրավական տեղեկատվության պաշտոնական պորտալում։

Համաձայն հրամանագրի՝ ՌԴ զինված ուժերի հաստիքային թվաքանակը կկազմի 2.389.130 մարդ, այդ թվում՝ 1.500.000 զինծառայող։ Հրամանագիրն ուժի մեջ է մտնում 2024 թվականի դեկտեմբերից։

Նախորդ համանման հրամանագրում, որը Պուտինը ստորագրել էր 2023 թվականի դեկտեմբերին, ՌԴ զինված ուժերի հաստիքային թվաքանակն ավելացել էր մինչև 2.209.30 ​​մարդ (1.329.000 զինծառայող): Այդպիսով Պուտինը 180 հազար մարդով ավելացրել է ռուսական բանակի հաստիքային թվաքանակը։

Ռուսաստանի ՊՆ-ն առայժմ չի մեկնաբանել Պուտինի նոր հրամանը: