Ղրիմի պատկանելության թեման առնչվում է Ռուսաստանի և Թուրքիայի միջև տարաձայնությունների կատեգորիային, Ռուսաստանը շարունակում է իր տեսակետը պարզաբանելու փորձերը, հայտնել է ՌԴ նախագահի մամուլի քարտուղար Դմիտրի Պեսկովը։
«Այստեղ մենք իսկապես ունենք բոլորովին այլ կարծիքներ: Միաժամանակ մենք չենք դադարում հետագայում ևս մեր տեսակետը, մեր դիրքորոշումը պարզաբանելու մեր նպատակաուղղված
փորձերից: Հուսով ենք, որ ժամանակի հետ դա թույլ կտա Անկարային ավելի լավ հասկանալ մեզ, ավելի լավ
հասկանալ և համաձայնել մեր փաստարկներին»,-
լրագրողներին ասել է Պեսկովը։
Ավելի վաղ լրատվամիջոցները
հայտնել էին, որ Թուրքիայի նախագահ Թայիփ Էրդողանը Կիևում Ղրիմի պլատֆորմի
գագաթնաժողովի մասնակիցներին ուղղված իր տեսաուղերձում հայտարարել է Ղրիմն Ուկրաինայի
կազմ վերադարձնելու անհրաժեշտության մասին, քանի որ դա «միջազգային իրավունքի պահանջ
է»:
