Եվրամիությունը պատրաստ է անհրաժեշտության դեպքում «խախտել տաբուն», ինչի վկայությունն են անցյալ տարի «Ուկրաինա մահաբեր ռազմական տեխնիկայի» մատակարարումները։ Այս մասին ԵՄ արտաքին քաղաքականության ծառայության ղեկավար Ժոզեպ Բորելը գրել է ավստրիական Der Standard թերթի համար մեկնաբանության մեջ։

Ուկրաինայում պատերազմի սկզբից ի վեր «ԵՄ-ն ցույց է տվել, որ գիտի, թե ինչ է դրված խաղաքարտի վրա: Եվ նա պատրաստ է խախտել տաբուն, երբ դա անհրաժեշտ լինի»,- նշել է դիվանագետը։ «Մեկ տարի առաջ մենք առաջին անգամ ֆինանսավորել ենք մահաբեր ռազմական տեխնիկայի մատակարարումը» Ուկրաինային, գրել է Բորելը։

Նա հավելել է, որ անցյալ աշնանը ուկրաինացի զինվորները «ԵՄ դրոշի ներքո» սկսել են ուսուցում անցնել եվրոպական տարածքում։ Մինչև 2023 թվականի վերջը ԵՄ-ն նախատեսում է ուսուցանել մոտ 30 հազար զինվորականի։ Այժմ միության երկրներն աշխատում են Կիևին զինամթերք մատակարարելու ուղղությամբ։