Ուկրաինայի նախագահ Վլադիմիր Զելենսկին մեկնաբանել է օգոստոսի 26-ին Ուկրաինայի տարածաշրջանների վրա ռուսական զորքերի զանգվածային հարվածը։ Զելենսկու ուղերձի տեսանյութն ու տեքստը հրապարակվել են նրա սոցցանցերում։

«Ներկայումս ամբողջ երկրում շարունակվում է ռուսական հարվածի հետևանքների վերացումը։ Դա ամենամեծ հարվածներից մեկն էր՝ համակցված։ Ավելի քան հարյուր տարբեր տեսակի հրթիռներ և մոտ հարյուր «շահեդներ»»,- հայտարարել է Զելենսկին։

Նրա խոսքով՝ հարձակման թիրախը եղել են չափազանց կարևոր քաղաքացիական ենթակառուցվածքները, վնասվել են էներգետիկ օբյեկտները։ Զելենսկին նշել է, որ կան զոհեր և տասնյակ վիրավորներ։

«Պուտինն իրեն չի դավաճանում. դա հիվանդ էակ է՝ բոլորին արդեն վաղուց պարզ է։ Բայց պարզ է նաև, որ նա կարող է անել միայն այն, ինչ իրեն աշխարհն է թույլ տալիս անել։ Ի պատասխան թուլությունն ու անբավարար որոշումներն ահաբեկչություն են սնում: Եվ յուրաքանչյուր առաջնորդ, յուրաքանչյուր մեր գործընկեր գիտի, թե ինչ ուժեղ որոշումներ են անհրաժեշտ այս ամբողջ պատերազմը դադարեցնելու և այն արդարացիորեն դադարեցնելու համար։ Ուկրաինայում չեն կարող լինել հեռահարության սահմանափակումներ, երբ նման սահմանափակումներ չունեն ահաբեկիչները։ Կյանքի պաշտպանները չեն կարող զենքի սահմանափակումներ ունենալ, երբ Ռուսաստանն օգտագործում է և սեփական բոլոր տեսակի զենքերը, և «շահեդները», և բալիստիկները Հյուսիսային Կորեայից։ Ամերիկան, Մեծ Բրիտանիան, Ֆրանսիան և մյուս գործընկերները ուժ ունեն, որպեսզի մեզ օգնեն կանգնեցնել ահաբեկչությունը: Լուծումներ են պետք»,- հայտարարել է Զելենսկին։

 վ