Ուկրաինական ուղղափառ եկեղեցու արգելքը «էժան չի նստի» Կիևի ռեժիմի վրա, այն կկործանվի՝ ինչպես «Սոդոմը և Գոմորը»: Այսպիսի կարծիք է հայտնել ՌԴ Անվտանգության խորհրդի ղեկավարի տեղակալ Դմիտրի Մեդվեդևը։

«Այս պատմությունը «էժան չի նստի» Ուկրաինայի վրա: Երկիրը կկործանվի, ինչպես Սոդոմն ու Գոմորը, իսկ դևերն անխուսափելիորեն կընկնեն»,- գրել է քաղաքական գործիչը իր Telegram-ալիքում՝ մեկնաբանելով Ուկրաինայի Գերագույն Ռադայի կողմից ընդունված օրենքը, որով թույլ է տրվում արգելել Ուկրաինական ուղղափառ եկեղեցին:

Մեդվեդևը հավելել է, որ «նրանց հատուցումը վրա կհասնի ոչ հեռավոր ապագայում. այլ աշխարհ անցումից հետո»։ «Ընդհակառակը, պատիժը կլինի երկրային, դաժան, տանջալից և կկատարվի շուտով: Որովհետև ասվում է. «Հետո Հեսուն նրանց հարվածելով  սպանեց և կախեց հինգ ծառերից, և նրանք ծառերից կախված մնացին մինչև երեկո»,- նա մեջբերել է աստվածաշնչյան Հեսուի Գրքի 10.26 հատվածը:

Մեդվեդևը վստահ է, որ «նախկին ուկրաինական հողերում իսկական ուղղափառ եկեղեցին կփայլի իր նախկին մեծությամբ»: Նրա խոսքով՝ Ուկրաինական ուղղափառ եկեղեցու արգելքը «լիարժեք սատանիզմ է», որին աջակցում է Արևմուտքը։