Ադրբեջանը Հայաստանին հրավիրել է՝ մասնակցելու Բաքվում նոյեմբերին կայանալիք COP29 գագաթնաժողովին, The National-ի փոխանցմամբ՝ կիրակի օրը հայտարարել է Ադրբեջանի նախագահի օգնական Հիքմեթ Հաջիևը։

Նա լրագրողներին ասել է, որ պաշտոնական հրավեր է ուղարկվել Երևան։

Պաշտոնական Երևանից դեռևս չեն արձագանքել Հաջիևի այս հայտարարությանը։

Հիշեցնենք` հունիսին վարչապետի մամուլի խոսնակը ասել էր, որ վարչապետի աշխատանքային օրակարգում նման այց չի պլանավորվում: