Այսօր Ադրբեջանի արտգործնախարար Ջեյհուն Բայրամովը հեռախոսազրույց է ունեցել Թուրքիայի արտգործնախարար Մևլութ Չավուշօղլուի հետ։
Հեռախոսազրույցի ընթացքում քննարկվել են երկրաշարժից տուժած շրջաններում որոնողափրկարարական աշխատանքները, մարդասիրական օգնության ցուցաբերման հարցեր։
Հեռախոսազրույցի ընթացքում Մևլութ Չավուշօղլուն մանրամասն խոսել է երկրաշարժի գոտում տիրող իրավիճակի, փրկարարական աշխատանքների ընթացքի մասին։ Մտքերի փոխանակում է տեղի ունեցել նաև տարածաշրջանում ընթացիկ իրավիճակի և փոխադարձ հետաքրքրություն ներկայացնող այլ հարցերի շուրջ։
