Վրաստանի խորհրդարանը երկրորդ ընթերցմամբ ընդունել է «օտարերկրյա գործակալների մասին» օրենքը։

Փաստաթղթի օգտին քվեարկել են 150 պատգամավորներից 83-ը՝ իշխող «Վրացական երազանք» կուսակցության և նրանց դաշնակիցների ներկայացուցիչները։ Ընդդիմադիր պատգամավորները չեն մասնակցել քվեարկությանը։

Երկրի նախագահ Սալոմե Զուրաբիշվիլին, որը քննադատում է այս օրինագիծը, ավելի վաղ հայտարարել էր, որ վետո կդնի փաստաթղթի վրա, եթե այն ընդունվի երրորդ ընթերցմամբ։ Իշխող կուսակցությունը, սակայն, ունի բավականաչափ ձայներ՝ դեմ գնալու նախագահական այս վետոյին: