Ադրբեջանի Արտաքին գործերի նախարարությունից արձագանքել են վարչապետ Նիկոլ Փաշինյանի France 24 հեռուստաալիքին տված հարցազրույցին։
«Անհիմն է, թե Ադրբեջանը պատրաստվում է հարձակվել Հայաստանի վրա»․ ասվում է Ադրբեջանի ԱԳՆ հաղորդագրության մեջ:
Ըստ Բաքվի՝ Փաշինյանի հայտարարությունները Գերմանիայի կանցլերի նախաձեռնությամբ տեղի ունեցած հանդիպումից հետո Հայաստանի կողմից Գերմանիայի ջանքերի նկատմամբ անհարգալից վերաբերմունք է․
«Պնդումները, թե իբր Ադրբեջանը պատրաստվում է հարձակվել Հայաստանի վրա, չեն համապատասխանում միջազգային իրավունքի սկզբունքներին, առկա փաստերի բացահայտ խեղաթյուրում են և նպատակ ունեն մոլորության մեջ գցել միջազգային հանրությանը»,- ասվում է Ադրբեջանի ԱԳՆ-ի հաղորդագրության մեջ։
