ԵՄ-ն «կուժեղացնի ջանքերը՝ կյանքի կոչելու Արևելյան գործընկերության վերականգնման, բարեփոխումների օրակարգը»
Բաժանորդագրվեք մեզ նաև
Տելեգրամում
Բրյուսելում կայացել է Արևելյան գործընկերության արտգործնախարարների հանդիպումը։
Հանդիպումից հետո նրանք հանդես են եկել համատեղ հայտարարությամբ, որում մասնավորապես ասվում է՝ Եվրամիությունը կուժեղացնի ջանքերը՝ կյանքի կոչելու Արևելյան գործընկերության վերականգնման, բարեփոխումների օրակարգը, ինչպես նաև դիմակայելու մարտահրավերները, որոնք բխում են Ուկրաինայի դեմ Ռուսաստանի պատերազմից և սպառնալիք են ողջ տարածաշրջանի համար։
Հանդիպման օրակարգում էին Արևելյան գործընկերության կողմից անդամ երկրների և գործընկեր երկրների կարիքների բավարարմանը, Արևելյան գործընկերության տնտեսական և ներդրումային ծրագրի իրականացման արագացմանը, օրինակ, Կենտրոնական Ասիայի և Արևմտյան Բալկանների հետ համագործակցության ընդլայնմանը վերաբերող հարցեր։
Արտգործնախարարները նաև քննարկել են համագործակցությունը, այդ թվում՝ տրանսպորտի, էներգետիկայի, կանաչ և թվային անցման ոլորտներում, ինչպես նաև մարդու իրավունքներին, քաղաքացիական հասարակությանը, օրենքի գերակայությանն ու անվտանգությանը վերաբերող հարցեր։
Բորելն է նաև նիստի արդյունքներով X-ում գրառում կատարել, մասնավորապես նշելով, որ Արևելյան գործընկերության ամենամյա նախարարական հանդիպման ժամանակ վերահաստատել են վճռականությունը՝ տարածաշրջանային համագործակցությունը ընդլայնելուն զուգահեռ ամրապնդել նաև տարածաշրջանում անվտանգությունն ու կայունությունը։
Բորեը նաև ողջունել է Արևելյան գործընկերության հաջորդ գագաթնաժողովը Վարշավայում անցկացնելու Լեհաստանի առաջարկը։
