Մայիսի 14-ին վրաերթ է տեղի ունեցել Երևանում։

Ժամը 19։30-ի սահմաններում Կոմիտասի պողոտայում Արմավիրի մարզի բնակիչ 29-ամյա Վահե Գ․-ն իր վարած «Մազդա» մակնիշի ավտոմեքենայով վրաերթի է ենթարկել շենքի բակում խաղացող 12-ամյա Ժ․ Դ․-ին։

Ինչպես հայտնում է Shamshyan.com-ը, վարորդը փախուստի չի դիմել, ահազանգել է շտապօգնություն, և ժամանած շտապօգնության բժիշկների հերթապահ խումբը երեխային հետազոտման նպատակով տեղափոխել է «Ուիգմոր Քլինիք» բժշկական կենտրոն։

Դեպքի վայր են ժամանել իրավապահները:

Դեպքի փաստով քննչական բաժնում նախաձեռնվել է քրեական վարույթ։