Իրանի փոխարտգործնախարար Քազեմ Ղարիբաբադին AnewZ հեռուստաալիքին
տված հարցազրույցում հայտարարել է, որ Իսլամական Հանրապետությունը չի հարվածել Ադրբեջանին՝
այսօր՝ մարտի 5-ին, Նախիջևանի միջազգային օդանավակայանի վրա անօդաչու թռչող սարքերի
հարձակումների մասին հաղորդագրությունների ֆոնին։
«Մենք չենք թիրախավորում մեր հարևան երկրներին»,- հայտարարել է
Ղարիբաբադին։
Նա
հավելել է, որ Իրանի քաղաքականությունը հարվածելն է միայն իր հակառակորդների
ռազմական բազաներին, այդ թվում՝ Միացյալ Նահանգների և «սիոնիստական ռեժիմի», որոնք, նրա պնդմամբ, ակտիվություն են դրսևորում տարածաշրջանում և օգտագործվում են
իրանցի խաղաղ քաղաքացիների վրա հարձակվելու համար։
«Որովհետև
մենք ի սկզբանե հայտարարել ենք. եթե տարածաշրջանում կան ինչ-որ ռազմական բազաներ,
և դրանք օգտագործվում են Իրանի վրա հարձակվելու համար, մենք կհարվածենք դրանց։ Այսպիսին
է մեր քաղաքականությունը»,- ասել է Ղարիբաբադին։
